AHK Azərbaycanın İR və PTT İşçi Qrupunun növbəti görüşü, cümə günü, 4 oktyabr 2024-cü il tarixində, saat 11:00-dan 12:30-a qədər, AHK Azərbaycanın ofisində (Winter Park Plaza, 7-ci mərtəbə, Rəsul Rza küç. 75) baş tutacaqdır.
Görüşdə Əmək Məcəlləsində edilmiş dəyişikliklər istiqamətində müzakirələr aparılacaqdır. Azərbaycan Respublikası Əmək və Əhalinin Sosial Müdafiəsi Nazirliyinin yanında Dövlət Əmək Müfəttişliyi Xidmətinin rəis müavini xanım Nərmin Mirzəyeva və Əmək və Əhalinin Sosial Müdafiəsi Nazirliyinin Əmək siyasəti şöbəsinin müdiri cənab Fuad Heydərov görüşə qatılaraq “Əmək Qanunvericiliyində edilmiş yeni tənzimləmələr” mövzusunda çıxış edəcəkdir.
Görüş AHK Azərbaycanın üzv şirkətləri üçün təşkil olunur və iştirak ödənişsizdir. Tədbir Azərbaycan dilində keçiriləcəkdir.