Enerji Keçidi və Dayanıqlı İnkişaf İşçi Qrupu

17 dekabr 2025-ci il AHK Azərbaycan Enerji Keçidi və Dayanıqlı İnkişaf İşçi Qrupu “2025-ci ilin İşçi Qrup Fəaliyyətlərinin İllik Xülasəsi: ESG Hesabatlılığı üzrə Baxış” tədbirini təşkil edib. Tədbir çərçivəsində dövlət qurumlarının, özəl sektor nümayəndələrinin və sahə üzrə ekspertlərin iştirakı ilə il ərzində ESG hesabatlılığı və dayanıqlı inkişaf praktikalarında baş vermiş əsas inkişaflar müzakirə olunub.

Tədbir AHK Azərbaycan və İşçi Qrupunun rəhbərliyi tərəfindən iştirakçılara salamlayıcı çıxışlarla açıldı. Çıxışlarda Azərbaycanda biznes üçün ESG hesabatlılığının artan əhəmiyyəti və dayanıqlılıq və şəffaflığın inkişafında əməkdaşlıq platformalarının rolu vurğulanıb.

Sessiyada İşçi Qrupun 2025-ci il ərzində həyata keçirdiyi fəaliyyətlərin ümumi icmalı təqdim olundu, əsas nailiyyətlər, təşəbbüslər və uğurlar önə çəkildi. ESG hesabatlılığında ortaya çıxan yeni meyllər, şirkətlərin tətbiq zamanı üzləşdiyi çətinliklər və sahədə gələcək inkişaf perspektivlərinə xüsusi diqqət yetirilib.

Proqram çərçivəsində AZAL və digər iştirakçı təşkilatlar tərəfindən hazırlanmış ESG hesabatlılığı üzrə video təqdimatlar nümayiş olundu və praktiki yanaşmalarla real nümunələr təqdim edildi. Bundan əlavə, “AHK üzvlərinin ESG hesabatlılığı təcrübəsi və planları” sorğusunun nəticələri təqdim olunaraq müzakirə edildi, bu da üzv şirkətlərin mövcud praktikaları, mövcud boşluqlar və gələcək planları barədə fikir mübadiləsinə şərait yaradılıb.

Tədbir zamanı 2025-ci il ərzində Enerji Keçidi və Dayanıqlı İnkişaf İşçi Qrupunun fəaliyyətlərinə dəyərli töhfələr vermiş iştirakçılar xüsusi sertifikatlarla təltif olundular, onların aktiv iştirakı və dəstəyi qiymətləndirilib.

Tədbir interaktiv müzakirə və sual-cavab sessiyası ilə yekunlaşdı. Sessiyada iştirakçılar ESG hesabatlılığı ilə bağlı öz baxışlarını, keçən il ərzində əldə edilmiş təcrübələri və İşçi Qrupun dayanıqlı inkişaf və məsuliyyətli biznes praktikalarının təşviqi istiqamətində gələcək təşəbbüslərinə dair gözləntilərini paylaşıblar.

AHK Azerbaijan-ın Enerji Keçidi və Dayanıqlı İnkişaf İşçi Qrupu “Dövlət Sahibkarlıq Subyektlərində (SOE) Yaşıl Maliyyə Modelləri: Təcrübədə Sınaqdan Keçmiş Biznes Halları” mövzusunda sessiya təşkil edib.

Tədbir AHK Azerbaijan-ın İcraçı Direktoru Nargis Wieck-in iştirakçıları salamlaması ilə açılmış, ardınca İşçi Qrupun Sədri Qurban Kərimbəyli Azərbaycanın dayanıqlı maliyyə praktikasının inkişaf etdirilməsinin əhəmiyyətini vurğulamışdır.

Günay Əsgərovanın moderatorluğu ilə keçirilən sessiyada “Azərbaycanın Təcrübədə Sınaqdan Keçmiş Yaşıl Maliyyə Modelləri – Biznes və Maliyyə İnstitutlarından Göstərişlər” mövzusunda interaktiv müzakirələr aparılmış, spikerlər dayanıqlı maliyyə sahəsində praktik təcrübələrini və perspektivlərini bölüşmüşlər.

Panel müzakirələri zamanı spikerlər maliyyə sektorunun dayanıqlı və yaşıl maliyyəyə keçidi ilə bağlı əsas məsələləri müzakirə etmiş, Mərkəzi Bankın Yaşıl Taksonomiyasının enerji keçidi və dayanıqlı layihələrə kapital axınında rolunu, həmçinin maliyyə institutlarının yaşıl maliyyə çərçivələrinin tətbiqində qarşılaşdığı əsas çağırışları və riskləri təqdim etmişlər. Spikerlər həmçinin dövlət sahibkarlıq subyektlərinin yaşıl layihələrinin maliyyələşdirilməsində ən effektiv modellərə toxunaraq, dövlət büdcəsi zəmanətləri ilə beynəlxalq institutlarla qarışıq maliyyələşdirmə arasında balansı qeyd etmişlər. Müzakirələrdə yaşıl investisiyalara mane olan institusional, maliyyə və tənzimləyici əngəllər də diqqət mərkəzində olmuşdur.

Bakı Metropoliteni və Azərbaycan Dəmir Yolları da daxil olmaqla əsas dövlət müəssisələrinin nümayəndələri ESG təşəbbüsləri, beynəlxalq yaşıl maliyyə bazarlarına çıxış, dayanıqlığın korporativ strategiyaya inteqrasiyası və elektrikləşdirmə layihələrinin iqtisadi, maliyyə və ESG faydaları barədə təcrübələrini paylaşmışlar. Həmçinin, beynəlxalq maliyyə institutlarının, xüsusilə ADB-nin dövlət müəssisələrini yaşıl maliyyələşdirmə alətləri ilə dəstəkləməsi və strateji investor rolunu oynadığı vurğulanmışdır.

Tədbir iştirakçı şirkətlərin yaşıl maliyyələşdirmə, tətbiq çağırışları və güclü institusional dəstəyə olan ehtiyac barədə fikirlərini paylaşdığı sual-cavab sessiyası ilə yekunlaşmışdır.

2025-ci il iyunun 18-də “Enerji Keçidi və Dayanıqlı İnkişaf İşçi Qrupu” AZAL (Azərbaycan Hava Yolları), Uniper Global Commodities SE və AHK Azərbaycan-ın birgə koordinatorluğu ilə rəsmi olaraq yenidən fəaliyyətə başladı. Tədbirdə 30-dan çox şirkətin nümayəndəsi iştirak edərək, İşçi Qrupunun Azərbaycanda iqlim və enerji sahəsində sahələrarası dialoq və praktiki əməkdaşlıq üçün əsas platforma kimi mövqeyini bir daha təsdiqlədi.

Sessiya, Uniper nümayəndəsi Dr Mihael Hilmer, AZAL-ın təmsilçiləri Fidan Fərzəliyeva, Rəşad Hüseynli və Qurban Kərimbəylinin açılış nitqləri ilə başladı. Çıxışlar zamanı Azərbaycanın qlobal enerji keçidində artan strateji rolu və bu prosesdə maraqlı tərəflərin fəal iştirakının vacibliyi xüsusi vurğulandı.

AZAL tərəfindən təqdim olunan təqdimatda şirkətin ətraf mühitə təsirin azaldılması istiqamətindəki məqsədləri açıqlanaraq, 40% emissiya azaldılması və yaşıl nəqliyyatın əməliyyatlarda 35%-lik paya çatdırılması kimi hədəflər diqqətə çatdırıldı.

Toplantı çərçivəsində hüquqi, maliyyə və texnoloji çətinliklərə dair mövzu-əsaslı müzakirə sessiyalarının təşkili planlaşdırıldı. Müzakirələr zamanı yaşıl maliyyələşmə, kiçik və orta müəssisələrin ESG (ətraf mühit, sosial məsuliyyət və korporativ idarəetmə) standartlarının tətbiqində rolu, həmçinin qabaqcıl təcrübələrin bölüşdürülməsi məqsədilə könüllü səriştə mərkəzlərinin yaradılması kimi əsas mövzular ön plana çəkildi.

Sessiya, Azərbaycanın enerji və nəqliyyat sektorlarında dekarbonlaşma prosesinin sürətləndirilməsi istiqamətində davamlı əməkdaşlıq, innovasiya və uzunmüddətli layihələrin əhəmiyyətini vurğulayan çağırışlarla başa çatdı.

24 oktyabr 2024-cü il tarixində AHK Azərbaycan qarşıdan gələn COP29 iqlim konfransına hazırlıq məqsədilə “İnnovasiya, Əməkdaşlıq, Transformasiya - COP29-dan gözləntilər” şüarı altında Enerji Keçidi üzrə İşçi Qrupunun növbəti iclasını keçirdi. İclas zamanı iştirakçılar dayanıqlı enerji sistemlərinə keçidi asanlaşdırmaq üçün vacib olan innovativ maliyyələşdirmə həllərini müzakirə etdi.

İclası açıq elan edən İşçi Qrupunun vitse-sədri Rəşad Hüseynli iştirakçıları salamladı və KPMG Azərbaycanın İdarəedici Partnyoru,  KPMG Qafqaz və Mərkəzi Asiya üzrə Məsləhətçi Partnyoru Vitaly Yakovlevi və KPMG Azərbaycanın Hüquq üzrə direktoru Seymur Niftaliyevi təqdim etdi.

Vitaly Yakovlev çıxışında enerji keçidinin maliyyələşdirilməsi, bərpa olunan enerji və enerji təhlükəsizliyi məsələlərini gündəmə gətirdi. O, həmçinin COP29 Dünya İqlim Sammitinin əsas məqsədlərindən biri olan gələcəkdə yarana biləcək potensial iqlim risklərini azaltmaq məqsədilə yaşıl enerji təşəbbüslərinin maliyyələşdirilməsinin əhəmiyyətini vurğuladı. Bundan əlavə, Cənab Yakovlev, ölkəmizdə “Greenwashing”, iqlim dəyişikliyi, dekarbonizasiya, və yaşıl enerji investorları üçün mühitə dair məsələləri müzakirə etdi.

Daha sonra, cənab Niftaliyev çıxışında, iştirakçılara Azərbaycanda yaşıl infrastrukturun inkişafının vacibliyini izah etdi. Cənab Niftaliyev, ölkə üzrə təmiz enerji potensialını vurğuladı və yaşıl infrastrukturun inkişafını dəstəklənməsindəki İctimai-Özəl Tərəfdaşlıqların (Private Public Parnership) rolundan danışdı. O, bu infrastrukturun əhəmiyyətli sərmayə tələb etdiyini qeyd edərək, yaşıl layihələr üçün maliyyələşdirməni təmin edən “Yaşıl” kreditlər konseptini təqdim etdi.

İclas iştirakçılar arasında aktiv fikir mübadiləsi ilə yekunlaşdı.

29 aprel 2022-ci il tarixində AHK Azərbaycanın Enerji Keçidi İşçi Qrupu təsis iclası ilə öz fəaliyyətinə başladı. Görüşdə 20-dən çox şirkət nümayəndəsi iştirak etdi.

İclası açıq elan edən cənab Tobias Baumann iştirakçıları salamladı və Enerji Keçidi İşçi Qrupunun sədri Dr Michael Hilmeri təqdim etdi və Azərbaycanda enerji perspektivləri və onun regionun enerji təhlükəsizliyinə təsirlərinə toxundu. Dr. Michael Hilmer çıxışında yerli alternativ və bərpa olunan enerji mənbələrindən istifadə ilə bağlı məlumat verdi, enerji sektorda investisiya mühitindən danışdı və Enerji Keçidi İşçi Qrupunun yaradılması ilə bağlı qısa sorğuda üzv şirkətlərin qeyd etdiyi əsas mövzulardan bəhs etdi.

Görüş Dr Hilmer moderatorluğu altında iştirakçılardan təkliflərin toplanması ilə davam etdi. Həmçinin görüş zamanı razılaşdırıldı ki, Enerji Keçidi İşçi Qrupu öz fəaliyyətini yerli enerji bazarının tənzimlənməsi, bərpa olunan və alternativ enerji mənbələri, tender prosesi və maliyyələşdirmə imkanları daxil olmaqla enerji sektorunda mövcud çətinliklərin araşdırılması və ünvanlanması istiqamətində quracaqdır.