Aynur Vahabova
Bazar Məsləhəti, Sərgilər və Kommunikasiya şöbəsinin rəhbəri
aynur.vahabova@ahk-baku.de
Almaniyada Bank Əməliyyatları Kontekstində Şəxsiyyətin Təsdiq Olunması
Almaniyada bir bank hesabı açarkən, banka maliyyə əmanəti qoyarkən və ya bir kredit təşkilatında şəxsi seyfdən istifadə edərkən şəxsiyyətin təsdiqlənməsi tələb olunur. Bu sənədin tələb edilməsi, cinayət törətmiş şəxslərin/təşkilatların qeyri-qanuni vəsaitləri/mülkləri qanuni şəkildə iqtisadi dövriyyələrə köçürməsinin qarşısını almaq məqsədilə Almaniyanın Çirkli Pulların Yuyulması ilə Mübarizə Qanununa əsaslanır.
AHK Azərbaycan, Azərbaycanda yaşayan fiziki şəxslər və şirkətlər üçün şəxsiyyət təsdiqi və qanuniləşdirilməsi işini həyata keçirir.
Şəxsiyyətin təsdiqlənməsi
Fiziki şəxslər üçün
Tələb olunan sənədlər:
- Etibarlı pasport
- Şəkilli etibarlı şəxsiyyət vəsiqəsi
- Alman bankı tərəfindən verilmiş rəsmi şəxsiyyətin təsdiqi sənədi (məsələn, hesab açma forması)
Vacib qeydlər:
Yoxlama yalnız şəxsi şəkildə AHK Azərbaycan ofisində aparılır. Görüşlər yalnız əvvəlcədən qeydiyyatla, bazar ertəsindən cümə gününə qədər saat 09:00–15:00 arası mümkündür. Gələcək hesab sahibi tələb olunan sənədlərlə birlikdə şəxsən gəlməlidir.
Hüquqi şəxslər üçün
Tələb olunan sənədlər:
- Alman bankı tərəfindən verilmiş rəsmi şəxsiyyətin təsdiqi sənədi
- Ən azı bir səlahiyyətli nümayəndənin etibarlı pasportu və şəxsiyyət vəsiqəsi *
- Aserbaycanda son 3 ay ərzində verilmiş yaşayış qeydiyyatı sənədi*
- Aserbaycanın ticarət və ya kooperativ reyestrindən çıxarış (son 3 ay ərzində verilməlidir)
- Təsis sənədləri və ya bərabərhüquqlu hüquqi sənədlər
* Ən azı bir səlahiyyətli şəxs yoxlama zamanı şəxsən iştirak etməlidir.
Vacib qeydlər:
Hüquqi şəxslər üçün də şəxsi müraciət zəruridir. Qəbullar yalnız əvvəlcədən qeydiyyatla, bazar ertəsindən cümə gününə qədər, saat 09:00–15:00 arası həyata keçirilir.