Sizin etibarlı yerli tərəfdaşınız
Alman-Azərbaycan Xarici Ticarət Palatası (AHK Azərbaycan) 2012-ci ildən etibarən Alman iqtisadiyyatının Azərbaycandakı rəsmi nümayəndəsi olaraq şirkətlərə bazara çıxış və biznesin inkişafı sahəsində dəstək göstərir və məlumatlandırır. AHK Azərbaycan, 1999-cu ildə yaradılmış Alman-Azərbaycan İqtisadi Əməkdaşlıq Cəmiyyətinin (DAWF) bazasında formalaşmışdır. Hazırda 196 üzv şirkəti ilə (20 iyun 2025-ci il tarixinə olan məlumat) Azərbaycandakı ən güclü Avropa biznes assosiasiyasıdır.
AHK Azərbaycan müasir xidmət və məsləhət təşkilatı olaraq, Alman və Azərbaycan şirkətlərinə praktik və fərdi yanaşmalar təqdim edir. Xidmətlərimiz bazar təhlili, bazara giriş məsləhətləri, potensial biznes tərəfdaşlarının tapılması və yerli fəaliyyətin qurulmasında aktiv dəstəyi əhatə edir.
AHK Azərbaycanın iqtisadiyyat və siyasəti birləşdirən geniş şəbəkəsindən yararlanaraq, Sizə Azərbaycan bazarı ilə bağlı bütün mövzularda peşəkar dəstək göstəririk. Palata sektorlardan asılı olmayaraq, milli və beynəlxalq səviyyədə bir çox şirkət, dövlət və özəl qurumlarla sıx əməkdaşlıq edir.
Güclü tərəfləri
İşgüzar əlaqələr
AHK Azərbaycan şirkətlərə yerli və beynəlxalq işgüzar cəmiyyətlərin yüksək vəzifəli nümayəndələri, eləcə də hər iki ölkənin hökumət orqanları, səfirlikləri və diplomatik nümayəndəliklərindən olan tərəfdaşları kimi eksklüziv biznes əlaqələri vasitəsilə hərtərəfli dəstək göstərir.
Bazar giriş
AHK Azərbaycan yerli və beynəlxalq şirkətlərə Azərbaycan və Almaniyada fəaliyyətlərini qurmaq və genişləndirməkdə dəstək olur.
Nümayəndə heyəti səfərləri
Sektorlar üzrə nümayəndə heyəti səfərlərinin, əməkdaşlıq mübadilələrinin və sahə-yönümlü tədbirlərin planlaşdırılması və təşkili AHK Azərbaycanın əsas fəaliyyət istiqamətlərindəndir. Hər il Alman şirkətləri və dövlət nümayəndələrinin Azərbaycana, eləcə də əksinə səfərləri təşkil edilir.
Sərgilər
AHK Azərbaycan Messe München-in Azərbaycanda və Gürcüstanda rəsmi nümayəndəsidir, bütün sahə-yönümlü sərgilər və tədbirlər haqqında məlumat verir və uyğun sərgilərin seçilməsində kömək edir.
Almaniyanın güclü iqtisadi şəbəkəsi
AHK Azərbaycan, Almaniyanın xaricdə fəaliyyət göstərən ticarət palatalarının (AHK) qlobal şəbəkəsinin bir hissəsidir və 93 ölkədə, 150 məkanda fəaliyyət göstərir. AHK-lar Almaniyanın Alman Ticarət və Sənaye Palataları (İHK) şəbəkəsi ilə sıx bağlıdır. IHK-lar AHK-larla əməkdaşlıq edərək, Alman şirkətlərinin xaricdə işgüzar əlaqələrinin qurulması və genişləndirilməsində dəstək olurlar. Alman Ticarət və Sənaye Palatalar Qurultayı (DIHK) AHK şəbəkəsini əlaqələndirən və dəstəkləyən üst qurumdur. AHK Azərbaycan Almaniya Federal İqtisadiyyat Nazirliyi tərəfindən Almaniya Federal Parlamentinin qərarına əsasən qismən maliyyələşdirilir.
AHK-lar üç əsas funksiyanı icra edirlər:
Almaniya İqtisadiyyatının rəsmi nümayəndəlikləri
AHK-lar Almaniyanın Federal Respublikasının tapşırığı ilə xarici iqtisadi fəaliyyətlərin təşviqində əsas iştirakçılarıdır. Onlar qonaq ölkələrdə Almaniyanın iqtisadi maraqlarını təmsil edir və müdafiə edir, həmçinin Almaniyanın iqtisadi mühitini tanıdır və təşviq edirlər.
Üzvlük təşkilatları
AHK-lar ikitərəfli iqtisadi münasibətlərdə iştirak edən şirkətlər üçün üzvlük təşkilatlarıdır. Bu üzvlər ikitərəfli iqtisadi əlaqələri təşviq etmək məqsədilə siyasət, biznes və idarəetmə ilə qarşılıqlı əlaqədə olduqda, AHK-ya güclü dəstək verir.
Şirkətlər üçün xidmət təminatı
Almaniyanın xaricdəki ticarət palataları Almaniya və yerli ölkələrin şirkətlərinə xarici biznes layihələrində dəstək olmaq üçün xidmətlər təqdim edir.
