Azərbaycanın dəmir yolu sahəsinin rəhbər şəxsləri ilə Bavariyanın texnologiya təchizatçıları arasında əlaqələrin qurulması.
2026-cı il noyabrın 23-dən 27-dək Azərbaycanın dəmir yolu sektorunu təmsil edən 15-dək nümayəndə Almaniya texnologiyaları ilə tanış olmaq və Bavariya şirkətləri ilə birbaşa əlaqələr qurmaq məqsədilə Bavariyaya səfər edəcəkdir.
Proqram dəmir yolu infrastrukturu və modernləşdirilməsi sahəsində fəaliyyət göstərən qərar qəbul edən şəxslər, satınalma üzrə mütəxəssislər, alıcılar, idxalçılar və şirkət nümayəndələri üçün nəzərdə tutulmuşdur.
Əsas diqqət mərkəzində olan sahələr:
- Dəmir yolu infrastrukturu və hərəkət heyəti
- Rəqəmsal nəqliyyat və texniki xidmət sistemləri
- İşarəvermə, təhlükəsizlik və avtomatlaşdırma
- Elektrifikasiya və enerji təchizatı
- Mühəndislik və layihələrin idarə olunması
- Şəhər və regional dəmir yolu nəqliyyatının inkişafı
İştirakçılar Bavariya şirkətlərini və nümunəvi layihələri ziyarət edəcək, texnologiya təqdimatlarında iştirak edəcək, həmçinin satınalma ehtiyaclarını və potensial tərəfdaşlıq imkanlarını müzakirə edəcəklər. 24 noyabr 2026-cı il tarixində Nürnberq şəhərində şirkət təqdimatları, şəbəkələşmə (networking) və fərdi B2B görüşlərini əhatə edən B2B uyğunlaşdırma (matchmaking) tədbiri keçiriləcəkdir.
İşçi dil ingilis dilidir. Ehtiyac yarandıqda alman-rus dilləri üzrə tərcümə xidməti təmin edilə bilər.
Nümayəndə heyətinin səfəri Bavariyanın İqtisadiyyat, Regional İnkişaf və Energetika Nazirliyi tərəfindən təşəbbüs edilən və maliyyələşdirilən “Bayern – Fit for Partnership” proqramı çərçivəsində təşkil olunur. Səfər Bayern International tərəfindən əlaqələndirilir və "AHK Azərbaycan" ilə əməkdaşlıq çərçivəsində COMMIT Project Partners GmbH tərəfindən icra olunur.
Əlaqə Saxlayın!
-
-
Aynur Vahabova
Bazar Məsləhəti, Sərgilər və Kommunikasiya şöbəsinin rəhbəri
aynur.vahabova@ahk-baku.de
