Sizi 7–8 oktyabr 2025-ci il tarixlərində JW Marriott Absheron Baku otelində keçiriləcək Alman-Azərbaycan İxracın Maliyyələşdirilməsi Konfransı 2025 haqqında məlumatlandırmaqdan məmnunuq. Konfrans Alman İqtisadiyyatının Şərq Komitəsi (OA), COMMIT Project Partners GmbH və Azərbaycanda İxracın və İnvestisiyaların Təşviqi Fondu (AZPROMO) ilə əməkdaşlıq çərçivəsində təşkil olunur.
Bu yüksək səviyyəli konfransın əsas məqsədi Almaniya və Azərbaycan arasında enerji və yaşıl texnologiyalar, su ehtiyatlarının idarə olunması, qida emalı və kənd təsərrüfatı, eləcə də rəqəmsallaşma kimi əsas sahələrdə innovativ maliyyə həlləri vasitəsilə strateji tərəfdaşlıqları təşviq etmək və möhkəmləndirməkdir.
Konfrans müddətində iştirakçılar əsas məruzələrlə yanaşı, ekspert təqdimatları, interaktiv panel müzakirələri, sahəyəxas dövlət-özəl sektor dialoqları (B2G) və ikitərəfli biznes görüşləri (matchmaking sessiyaları) kimi müxtəlif formatlarda tədbirlərdə iştirak edə biləcəklər. Eyni zamanda, tədbir normativ-hüquqi çərçivələr və qabaqcıl təcrübələr barədə dəyərli məlumatlar təqdim edəcək, uzunmüddətli əməkdaşlıq imkanlarını daha da genişləndirəcək.
Sizi bu unikal konfransda iştirak etməyə dəvət edirik!
Əlavə məlumat üçün bizimlə əlaqə saxlayın.
Alman-Azərbaycan İxracın Maliyyələşdirilməsi Konfransı 2025 aşağıdakı baş sponsorların dəstəyi ilə keçirilir: PASHA Bank ASC (Eksklüziv Platin Tərəfdaş), Commerzbank AG (Platin Tərəfdaş), Yelo Bank ASC və Dentons (Qızıl Tərəfdaşlar).
Get in touch
-
-
Elçin İsmayılov
Strateji Layihələr | İnfrastruktur | Enerji | Rəqəmsallaşma | İnnovasiya İqtisadiyyatı üzrə Menecer
elchin.ismayilov@ahk-baku.de
