"Azərbaycanda Dəmiryol Texnologiyalarında İnnovasiyalar: Alman Şirkətləri üçün Tərəfdaşlıqlar və İmkanlar"
Federal İqtisadiyyat və İqlim Fəaliyyəti Nazirliyinin (BMWK) tapşırığı ilə AHK Azərbaycan 21-25 oktyabr 2024 tarixlərində ‘Dəmir yolu tikintisi, dəmir yolu texnologiyası və dəmir yolu nəqliyyatı’ mövzusunda işgüzar səfər təşkil edib. Bu səfər COMMIT Project Partners GmbH, Alman Dəmir Yolu Sənayesi Assosiasiyası (VDB) və Nəqliyyat və Logistika Mərkəzi - Neuer Adler e.V. (CNA) ilə sıx əməkdaşlıq çərçivəsində həyata keçirib.
Bu beş günlük işgüzar səfər çərçivəsində AHK Azərbaycan 22 oktyabr 2024 tarixində, Four Seasons Hotelində "Azərbaycanda Dəmiryol Texnologiyalarında İnnovasiyalar: Alman Şirkətləri üçün Tərəfdaşlıqlar və İmkanlar" adlı Alman-Azərbaycan Biznes Forumunu təşkil edərək sahə liderlərini və innovatorları bir araya gətirib.
Tədbirin rəsmi hissəsi salamlama nitqi ilə aşağıdakı çıxışlarla açıq elan edilib:
- Anar Həsənov, AHK Azərbaycanın İdarə Heyətinin Sədri,
- Heiko Schwarz, Alman Səfirliyinin Missiya Rəhbərinin Müavini,
- Irina Kalinina, COMMIT Project Partners GmbH-nın Layihə Meneceri,
- Tədbirin moderatorluğunu Fərid Quliyev, AHK Azərbaycanın İdarə Heyətinin Üzvü edib.
Tədbir zamanı Azərbaycanın iş mühiti ilə bağlı əhəmiyyətli mövzuları əhatə edən təqdimatlar olunub və ölkənin dəmir yolu sektorundakı perspektivli inkişafı vurğulanıb. Qeyd olunan spikerlər arasında aşağıdakı şəxslər yer alıb:
- Emin Quliyev, (AZPROMO) Azərbaycan Respublikasının İxracın və İnvestisiyaların Təşviqi Agentliyinin Layihə İdarəetmə Bölməsinin rəhbəri, "Azerbaycanda iş mühiti" mövzusunda təqdimat edib.
- Orxan Əhmədzadə, Azərbaycan Dəmir Yolları QSC-nın Tədqiqat və İnkişaf Mərkəzinin rəhbəri vəzifəsini icra edən, "Davam edən layihələr və gələcək planlar" mövzusunda məruzə edib.
- Eugene Seah, Bakı Beynəlxalq Dəniz Ticarət Limanı QSC-nın Baş Əməliyyat Direktoru, "Azerbaycanda dayanıqlı liman infrastrukturu" haqqında məlumat verib.
Daha sonra işgüzar səfərdə iştirak edən alman şirkətləri öz innovativ məhsul və həllərini tədbir iştirakçılarına təqdim edib. Təmsil olunan alman şirkətləri:
- Elektro Thermit GmbH & Co KG - www.elektro-thermit.de
- HÜBNER GmbH & Co. KG - www.hubner-group.com
- KATHREIN Solutions GmbH - www.kathrein-solutions.com
- Schaltbau GmbH - www.schaltbau.com
- Vagoteq GmbH - www.vagoteq.com
- WAGNER Rail GmbH - www.rail.wagnergroup.com
Forum, Azərbaycan və Alman şirkətlərinin dəyərli əlaqələr qurmasına və maraqlı əməkdaşlıq imkanlarını araşdırmasına imkan yaradan B2B görüşləri ilə sona çatıb.
