18 Noyabr 2024-cü il tarixində AHK Azərbaycan "Dayanıqlı İnkişaf Üçün Texnoloji İnnovasiyalar: Müxtəlif Sənaye Sahələrində Ətraf Mühit Performansını Artıran Yeni Texnologiyalar" mövzusunda COP29 Yaşıl Zona-da ikinci informasiya tədbirini keçirib. Bu tədbir, “İnnovasiya, Əməkdaşlıq, Transformasiya - COP29-dan Gözləntilər” adlı silsilə tədbirlərin bir hissəsi olaraq təşkil olunub.

Tədbirdə iştirak edən dəyərli spikerlər:

• Emin İlyas, AHK Azərbaycan İdarə Heyətinin üzvü, tədbirə qatılan qonaqları təqdim edərək, mövzu ilə bağlı əhəmiyyətli fikirlərini iştirakçılarla bölüşüb.
• Soltan Bayramov, Dördüncü Sənaye İnqilablarının Təhlili və Koordinasiya Mərkəzinin İcraçı Direktor müavini, ən son texnoloji yeniliklər və bu texnologiyaların sənayeləri necə dəyişdirərək dayanıqlı təcrübələrə töhfə verə biləcəyi barədə məruzə edib.
• Vitaliy Yakovlev, KPMG Azərbaycanın İdarəedici Partnyoru, yaşıl keçidin maliyyələşdirilməsi ilə bağlı dəyərli fikirlərini bölüşərək, yaşıl gələcək üçün dayanıqlı həllərin vacibliyini vurğulayıb.  
• Orxan Quliyev, Caspian Innovation Center LLC-SOCAR-ın Baş Direktoru, enerji sahəsində innovativ həllər və texnologiyanın dayanıqlı inkişafının təmin olunmasındakı rolunu qonaqlara izah edib.
• Manuella Traldi, İtaliya-Azərbaycan Ticarət Palatasının (ITAZERCOM) prezidenti, həm İtaliya, həm də Azərbaycan arasında dayanıqlı biznes modelləri və texnoloji yeniliklər üçün beynəlxalq əməkdaşlıq və imkanları müzakirə edib.

Panel müzakirəsi zamanı dayanıqlı infrastruktur, yaşıl texnologiyalar, rəqəmsal transformasiya və innovasiyanın sənayelərin gələcəyini necə formalaşdıracağı kimi mühüm mövzular ətrafında dərin müzakirələr aparılıb.

İqlim dəyişikliyi ilə bağlı qarşılaşdığımız çətinliklər və daha dayanıqlı təcrübələrə keçid tələbi qarşısında texnoloji innovasiyanın əhəmiyyəti hər zamankindən daha aydın görünür. Bu liderlərin öz işləri vasitəsilə müsbət dəyişikliklər yaratmalarını izləmək çox ilhamverici oldu. 

Tədbidə iştirak edən bütün spikerlərə, panelistlərə və iştirakçılara təşəkkür edirik və bu tədbirin gerçəkləşməsində dəstək olan Sustainera Solutions-a öz minnətdarlığımızı bildiririk.