27-28 fevral 2024-cü il tarixləri arasında Almaniyanın Şərqi Biznes Assosiasiyası Alman-Azərbaycan Ticarət Palatası (AHK Azərbaycan) ilə birgə 50-yə yaxın alman şirkətinin Bakıya işgüzar səfərini təşkil edib.
Səfərin ilk günündə nümayəndə heyəti Azərbaycanda biznes və investisiya perspektivlərini araşdırmaq üçün İqtisadiyyat Nazirliyində toplaşıb. Azərbaycan Respublikasının İqtisadiyyat Naziri Mikayıl Cabbarov və Azərbaycanın müxtəlif qurumlarının, həmçinin Azərbaycan İnvestisiya Holdinqinin və Almaniya Şərq Biznes Assosiasiyasının nümayəndələri, o cümlədən icraçı direktor Michael Harms, Almaniya səfiri Ralf Horlemann və AHK Azərbaycan-ın İdarə Heyətinin üzvü Tobias Baumann görüşdə iştirak edib.
Onlar sənaye, tikinti, bərpa olunan enerji, kənd təsərrüfatı, nəqliyyat, logistika, İKT, maliyyə, hüquq və konsaltinq kimi bir sıra sektorlar üzrə investisiyalar, xüsusən də alman şirkətləri üçün əlverişli şəraitləri qeyd edib. Əməkdaşlığa marağı olan alman firmalarından ibarət görkəmli nümayəndə heyətinin səfəri Azərbaycan Prezidentinin Almaniyaya səfəri zamanı başlanmış, ikitərəfli əlaqələrin möhkəmləndirilməsində iqtisadi-ticarət əlaqələrinin əhəmiyyəti vurğulanmış müzakirələrin nəticəsi olub.
Səfərin ikinci günündə Azərbaycan Respublikasının Prezidenti İlham Əliyev Almaniya nümayəndə heyətini öz iqamətgahında qəbul edib.
Michael Harmsın rəhbərlik etdiyi və Almaniyanın aparıcı şirkətlərinin rəhbərlərindən ibarət nümayəndə heyətinə Falk Consulting-in icraçı direktoru Tomas Falk; Uwe Fip, Uniper Global Commodities SE-nin baş vitse-prezidenti; Heinrich Kerstgens, Rhenus Group beynəlxalq logistika şirkətinin İdarə Heyətinin Layihələri Direktoru; Ulf Heitmuller, VNG AG İdarə Heyətinin sədri; Viktoria Gerasimova, Rohde & Schwarz-ın regional satış direktoru; və HHLA International GmbH şirkətinin idarəedici direktoru Philip Sweens daxildir. Görüşdə nümayəndə heyətinin səfərinin həmtəşkilatçısı kimi Tobias Baumann da iştirak edib.
Görüşdə enerji, birgə layihələr, investisiyalar, müxtəlif sahələrdə əməkdaşlıq kimi mövzuları əhatə edən ölkələr arasında inkişaf edən iqtisadi əlaqələrə dair söhbətlər aparılıb.
Fevralın 28-də AHK Azərbaycan 70-dən çox üzv şirkətlərinin, palata tərəfdaşlarının və nümayəndə heyəti üzvlərininin iştirak etdiyi AHK Impuls tədbirinə ev sahibliyi edib. Azərbaycan Enerji Məsələlərini Tənzimləmə Agentliyinin sədri, Dr. Samir Axundov “Azərbaycanda elektrik enerjisi sektoru: icmal və islahatlar” adlı məruzə ilə çıxış edib. Bundan əlavə, Uniper-in vitse-prezidenti Dr Michael Hilmer və Schneider Group-un Biznesin İnkişafı üzrə Baş Direktoru Olaf Letzel tədbirə töhfə verənlər arasında olub.
Nümayəndə heyətinin səfər zamanı həm Ələt Azad İqtisadi Zonasına (AFEZ), həm də Bakı Limanına (Port of Baku) ziyarət etmək imkanı olub. Hər iki məkan investisiya və tərəfdaşlıq üçün imkanlar təklif edən Azərbaycanda iqtisadi fəaliyyət və ticarət üçün əhəmiyyətli mərkəzlərdir. Bu ziyarətlər ikitərəfli münasibətlərin möhkəmlənməsinə, ticarətin inkişafına xidmət edir və gələcək əməkdaşlıq və investisiyalar üçün potensial yol açır.
